弗拉门戈网
繁简转换  
搜索:
小蒋Flamenco吉他制作网
大连佛拉门哥吉他艺术团
  【中華之聲】Flamenco的生命之美---記Paco Peña來廣州 - 林敏君 June
 

 

【中華之聲】Flamenco的生命之美---Paco Peña來廣州 - 

林敏君 June




Part 1: 靈魂共鳴 生命之舞

Duende,就係唔知點解就會熱淚盈眶,唔知點解就會淚流滿面……

生命中的第一次,領悟到Flamenco Duende並唔單止係一種「表達」,更加係一種「溝通」,就在Duende所創造的空間中,一種強烈的震撼直達靈魂深處,在澎湃的共鳴之中,我真切咁遇見,靈魂……

原來,那些我所經歷過的,我曾深切體悟過的情感,埋藏在內心深處某個我自己都唔知道的角落……Cante JondoFlamenco Purohow cherishing in this would




Paco Peña的現場,美妙的旋律,躍動的節奏都已經唔重點,Flamencura,確實就體驗一場《生命之舞》……

真的,Flamenco的靈魂源自生命最深刻的苦痛,而篤信生命的力量會令人在深切哀痛之後燃起生命的熱情……Cante Jondo,第一聲唱起,感覺就好似天地初開的震撼鑽進了心窩的最深處,痛苦,掙扎如同無邊的混沌……而當舞者再次拿起披肩,昂首闊步,那是一種深切苦痛洗練後的頓悟,那一刻,我仿佛看到了生命的真諦——Siguiriyas,真係第三首我就流眼淚了,>.<

Dance like nobodys watching. Love like youve never been hurt】貼在Sevilla某間小酒館牆上的呢句話,相信講的係Flamenco……曾經滄海難為水只係沒有勇氣再愛的藉口,而埋藏心底的銘刻也不怕被喚醒,放開心扉,為那首Peteneras淚流滿面,估唔到我睇兩次都會喊……當靈魂可以溝通,即使相視無言,都會聽到千言萬語,時間空間都在那一刻凝固……如果愛,請深愛……




所以,就算分離,亦係一種美麗,追憶,就好似Alhambra城頭的落日霞輝一樣溫暖……估唔到通常獨奏的Granainas歌同舞,會美得如此一塌糊塗!我的眼前仿佛模糊了,我看到掛在Palacios Nazaríes梁上的流蘇披肩在舞動,旋轉著綿長的思念……愛,猶如阿拉伯的水,默默流淌,不濺水花,不沾衣裙……而懷念,就好似無始無終的阿拉伯花紋,祈禱成一種永恆……




於是,人生需要Soleá,在獨處之中發現自己……孤獨,係一種敢於獨自面對全世界,直面真我的自由……Angel MuñozSoleá令我諗起三個月前的獨行西班牙之旅,一切都任憑自己把握的感覺真係好好……當可以真誠地聽從自己的內心,謙遜地看到自己的位置,鼓起勇氣接受挑戰並承擔風險,路就在腳下……所以,Angel那個令全場喝彩的小碎步圈,唔係技巧,而係莫大的自信同自由!




Flamenco確實一門嚴肅的藝術,除對生命的深刻感悟,更懷住對傳統的虔誠敬意……所以Paco Peña的獨奏彈的致敬Ramón MotoyaRondeña,而Martinetes則追溯早期吉普賽blacksmith的艱辛而堅韌的生活……所以歐老師唔會同我地講「返去練琴」,而「修煉」……

好敬佩師公將一場咁嚴肅深沉的Flamenco奉獻在大眾眼前,我在西班牙睇五場Flamenco,專揀最唔商業化的Tablao睇,但感覺人都唔會輕易唱Cante Jondo,有,但少……而《生命之舞》,卻以無比的熱切真誠讓我們坦誠地直面生命,深切地感悟人生的悲歡離合,靈魂共震!當師公彈出的琴音在我的心中震動,迴響時,簡直就一種靈魂出竅的感覺!Ole




Part 2: 自然,放鬆,生命之美

原來,我喜歡躲在鏡頭後面,去捕捉大家不為意的瞬間!我發現鏡頭下的自然,真實,無準備,好美!




去拜見師公!我的小心臟興奮到要跳出來啦哈哈哈!當遠遠咁見到師公雙手插袋、滋遊淡定咁行過來的時候,而歐sir就好激動咁走過去,我的第一反應就係衝過去影低佢地~




因為忙住影相,我居然聽唔到歐sir同師公講咩,師公就一隻手伸過來 : Very nice to meet you!」啊,幸福來得太突然啦我反應唔過來,開心到剩識講「Hola!」。








師公真好精靈,好可愛啊,仲同我講話而家好少人會用相機來記錄的啊,通常只用手機就算了,嘻嘻,啊,因為我想記錄得好點!原來,拿起相機我就會更嚴肅認真咁對待影相呢件事,更樂於去記錄大家自然美的瞬間,原來拿相機更一種「態度」,因為我拿個傻瓜機並唔會比手機影得好幾多。唔知道師公的真正意思咪呢個呢?






舞臺上的師公嚴肅深沉得好優雅,好謙遜,十首曲目有九首都伴奏,即使獨奏都唔坐在舞臺中央,而將情感的空間留給觀眾……而近距離接觸的師公,發現佢整個人都處在一種好放鬆,好自然的狀態,笑起來就好似小朋友一樣純真,佢會見到Leona姐妹話「lovely」然後去抱抱,同我地影相都會搭只手在我地背後熱情歡迎……我感受到的人生有了深度與闊度而後自然流露的「收放」……




而我都算一個及格的小粉絲啦哈哈,拿張CD請師公簽名,師公 :「Of course!」咁就簽啦,啊,好開心啊!






不過我都第一次做「小記者」,而且仲激動到手震,影得唔好請大家多多包涵啊~




Part 3 : 懷念的噴泉源自Córdoba

原來我去過歐sir的【懷念的噴泉】,仲去過師公舉辦Centro Flamenco的地方!就係三個月前!真係好慚愧啊我居然係今次睇演出前睇師公的網站先發現的!

懷念的噴泉就在Plaza del Potro中間,隔離果個將Flamenco介紹得好好的Centro Flamenco Fosforito就係當年師公舉辦Centro Flamenco的地方!啊,失覺曬!




所謂一方水土養一方人,育一方藝術,師公的故鄉Córdoba真係一個充滿智慧的文藝之都,Córdoba的日日夜夜美得讓人萬分記掛……






Córdoba的羅馬長橋上,清晨,會見到一群又一群的雀鳥唱著朝陽,從東飛往西;傍晚,又會見到好多好多的雀鳥一群又一群伴著晚霞從西飛向東,大清真寺後面一片粉紅,一股莫名的感動湧上心頭……






漫步在Córdoba的猶太街區,會感受到一種自然而然的優雅,一種充滿智慧的謙和,嗯,就係好似師公咁!






我實在覺得以Córdoba為中心的Al-Andalus係西班牙歷史上最燦爛的時代,將穆斯林、猶太人、基督徒的多元文化相容並包,文化之間有了互動與借鑒而成就輝煌……而大航海之後迅速走向衰落,正係因為失去了這種包容……Córdoba大清真寺裏面有個主教堂,而今已看不到征服,卻感受到世上獨一無二的包容,讓兩個對立的世界擁抱在一起……




同樣地,Flamenco正係多民族文化融合的藝術,那首源自猶太人的Peteneras,相信在現場亦有唔少人落淚……

以前跟歐sir上課,《Paco Peña》 係高頻詞,每次上課老師都會提起……而當我真去過Córdoba,再睇兩次Paco PeñaFlamencura,然後仲見埋師公,我越來越明白Flamenco的藝術之道確實一種「修煉」,遠遠唔止彈吉他,更一種生命的信仰與生活的態度……




適逢今次大家一起為歐sir慶祝生日,願我們【和而不同】的大中華風格的Flamenco Puro在大家的互動與互相學習之中蓬勃發展!




June Lam @ GZ

Jan 82017