弗拉门戈网
繁简转换  
搜索:
小蒋Flamenco吉他制作网
大连佛拉门哥吉他艺术团
  【中華之聲】快門、光圈、ISO · 個性、態度、生命狀態---記2017春季音樂會-林敏君 June
 

【中華之聲】快門、光圈、ISO · 個性、態度、生命狀態

---2017春季音樂會 - 林敏君 June

我一直都係一個傻瓜……機愛好者,似乎我係堅持唔用單反,因為我覺得親眼所見,親身所歷,比一堆靚相重要得多……太過追求鏡頭裏面的完美,有時反而會錯過用心感悟的真切……相,只係記憶的輔助資料……哈哈,不過其實呢d都系藉口,用傻瓜機,只係因為,單反太重~就咁樣,我就拿住部傻瓜相機,做咗我哋藝術團演出史上最唔專業的攝影工作人員~以往睇演出,我都好少影相,如果現場話唔俾影相的話,我反而會覺得更輕鬆,因為可以全身心投入咁專心睇。但今次春季音樂會的攝影工作,卻俾咗我一次好特別的透過鏡頭來欣賞flamenco的機會!而且鏡頭裏的大家都係呢幾年「我們一起走過」的知己良朋!能夠在每一位的樂聲中捕捉佢地的神情,我覺得好美妙,好榮幸!

快門,光圈,ISO,之前我認為可以對應flamenco的節奏,和絃,收放……但在大家真誠的flamenco分享之中,我透過鏡頭所睇到嘅,係人的個性,態度,同生命狀態……

無論經歷點樣的滄桑洗練,塵世磨礪,我哋都願意選擇以最純真,最簡單的方式,以拳拳赤子之心熱情擁抱生活……當面對未知,我哋都可以堅定信念,勇敢前行,相信命運自然會帶俾我哋啟示……

我覺得,呢個係flamencoa way of life最幸福,最自由的所在!

Pray with my guitarnot play……我彈咗一年有多的Zambra,從唔知道呢個曲式講咩,到感受到當中虔誠而謙卑的信仰,熱切而純樸的堅強,我感受到flamenco所帶俾我的成長~Sacromonte果位令我念念不忘的吉他手,簡單的音調卻釋放出澎湃的激情,滄桑的歌聲蘊含著粗礪的灑脫,正正亦係Zambra Gypsy的生命狀態!

已經唔記得向大家分享咗幾次Zambra啦,總之每次歐sir要彈琴,我就係彈Zambra……終於,今次歐sir講咗句『Ole!』我實在已經心滿意足啦~

「難得一直有你陪伴著我,容許說一句真心感謝你,人生難得有良朋在一起,讓我感受到你的支持」今次演出我第一次做〈工作人員+山頂的觀眾〉,大家下午排練仲可以各種偷師添,哈哈哈!真係好開心啊!而且我發現透過鏡頭,更能夠以四分之一秒,甚至六十分之一秒的瞬間去發現大家在flamenco裡的美,真係好有滿足感,我好中意影大家啊!


於是,我有個瘋狂的諗法,不如以後我哋藝術團演出,我就專門做幕後幫大家影相啦!嘻嘻,相信下次我會更好咁操作到快門,光圈,ISO~

June Lam

Mar 262017@廣州