弗拉门戈网
繁简转换  
搜索:
小蒋吉他
  【中華之聲】土耳其遊記(1)卡帕多奇亞撞車記,飛天遁地一路故事 - 林敏君
 

【中華之聲】土耳其遊記(1)卡帕多奇亞撞車記,飛天遁地一路故事

- 林敏君

序:一次飛勻亞非歐,終於開上Fiat

今次系我同Sara的第二次旅行,而佢仲系第一次遠行,不過我都破記錄啦,因為第一次連續坐三程飛機,先飛到開羅轉機,再飛到伊斯坦布爾轉機,最後先飛到卡帕多奇亞,真系亞非歐兜一個大運啊!可能正因如此,我哋今次飛上天,鑽入地,但一路幸運,實在萬分感恩!

土耳其,其實我兩年前就想來啦,而卡帕多奇亞,我當時就想自駕,但礙於兩年前我的車牌尚未夠一年,所以當時我選擇了以色列……

Fiat,雖然租唔到Fiat 500,不過依然好中意,原因只有一個,我中意義大利哈哈哈!

不過第一次在國外自駕,第一次開Fiat,就一言難盡啦哈哈哈!唔單止遇到一條山路又上又落,要陡坡倒車讓行,一路崎嶇的地獄式練車,行錯路趕飛機開到百五,而且仲撞上咗大卡車!原來,卡帕多奇亞最美的並非與太陽一起升起的熱氣球,而系熱情善良的土耳其人!

有只比熱氣球搶鏡的喵!

在清晨朦朧中,聽到spiritual的歌聲此起彼落——終於,可以感受下穆斯林國家的氣氛啦!清晨五點半,附近的清真寺就開始宣禮啦,而且有兩間清真寺,唱住唔一樣的歌……然後又聽到噗噗聲,在房間的窗望出去,見到遠處的山前有幾點閃光!原來,系熱氣球要升天啦!

房間的陽臺正對住熱氣球升起的方向!不過,都系上天臺睇啦!原來,格雷梅各種酒店的天臺都有好多人睇熱氣球哈哈哈!

~,喵~,咦?有貓叫!對於我呢個貓癡來講,見到貓就其他嘢都見唔到啦!喵喵,好得意啊!原來系酒店養的貓!貓的性格真系好難觸摸,當追住佢玩的時候,佢就匿埋,唔理佢的時候,佢就出來騷擾你,哈哈哈!

原來在國內超級網紅的熱氣球系咁樣嘅,清晨真系好凍,我哋有咁多著咁多,真佩服著得咁少的網紅小姐姐啊~

“我並沒有說做出降落姿勢”呵~~

“I didn’t say landing position”——呵呵,真系識開玩笑!因為,當飛行員Ali話我哋準備降落的時候,熱氣球上的所有人都好自覺咁做出半蹲的降落姿勢,哈哈哈!因為我哋上熱氣球的時候,Ali第一句同我哋講的話就系“Landing positioneverybody!”,一面的嚴肅正經,所以到降落的時候,大家都好自覺哈哈哈!

原來,今日天朗氣清,風和日麗,可以好平穩咁降落,唔需要做降落姿勢,如果大風,熱氣球降落的時候可能會在地上翻滾,就要做降落姿勢了……果然,我哋爬出熱氣球的時候,發現熱氣球的籃子已經停下拉熱氣球的汽車的底板上啦!——飛行技術真系好啊,原來Ali已經飛咗11年啦!

正如Ali所講,我哋真系好幸運,因為當日天氣好好,可以在峽谷中飛得好低好慢,睇得好清楚!有好多險峻的山勢,深谷的洞穴,如果要自己爬自己行的話,一定好辛苦,但坐熱球,就可以輕而易舉咁睇到!那是羅馬帝國時代留下的遺跡Ali不僅做飛行員,而且仲做埋導遊,哈哈哈,點贊!

坐熱氣球實在太值得啦,可以真正從航拍的視覺,觀賞卡帕多奇亞的風光!各種各樣的古怪石頭,千溝萬壑的神奇地貌,而更壯觀的,系人們依山而鑿的房屋,組成一個又一個的山城小鎮……真系不得不慨歎,上帝造物的神奇,而千幾年前的人,就好似遵循住上帝的指引一樣,住入天造地設的山谷……或者,咁樣更能夠感應到上帝的存在,感受到同上帝的交流吧~

我有好多中國女友”哈哈哈!

熱氣球的慶祝真系好有儀式感,開香檳,發證書哈哈哈!

而大家仲一齊收熱氣球,真系一次非常好的人文體驗啊!

Ali仲問我拿相片,哈哈,用微信的方式,哈哈哈,我有好多中國女友的”Ali話,哈哈哈!你就吹吧哈哈哈!不過,認真的男人確實好有型嘅,作為一個自詡的人文攝影愛好者,影人始終系我的最愛,自然影咗唔少Ali的相啦哈哈哈!

卡帕多奇亞確實系國內的網紅旅遊地,坐熱氣球確實遇到好多中國人,我甚至感到,來這裡旅遊的中國人超過一半,聽講有人選擇來土耳其旅遊,就系為咗坐熱氣球~

在晨曦之中近距離睇熱氣球升空真系好靚!特別系那些認真的工作人員!而睇熱氣球點火亦好過癮!我同我的相機真系忙唔過來啊哈哈哈!

卡帕多奇亞的熱氣球產業已經發展得好成熟,每日清晨,熱氣球的接送車簡直漫山遍野,搞到我走的時候開車去機場都差點塞車……不過,我感覺土耳其人仲系好自然樸實,冇咩旅遊勝地的銅臭味同古惑感,嗯,不錯不錯!

靚仔同靚貓,他鄉遇“故知”

咦!又有貓喔!在格雷梅露天博物館,當我的鏡頭對住只貓的時候,有個靚仔自動入鏡!哈哈哈!正好正好!

原來靚仔叫Andres!咦?系我中意的名字哈哈哈!來自西班牙Malaga!咦?在我熟悉的Andalucia哈哈哈!真系他鄉遇故知啊!因為彈FlamencoAndalucia簡直系我的精神故鄉啊~

想來,卡帕多奇亞乾旱貧瘠的地貌,同Andalucia真系有幾分相似……而格雷梅露天博物館可以話系呢度的精髓所在!而當中的黑暗教堂Dark Church就系精粹中的精粹,裡面有保存得十分完好的壁畫,可以追溯到11世紀末!

果然,文化中就系存在世界大同的事情,在世界各地,都有住進貧瘠深山,在艱苦之地修煉的信徒!我今年六月去過敦煌,舊年二月去過義大利Matera,同樣如此!在洞穴之中居住,在洞穴之中營造宗教朝拜之所,在牆壁上畫滿神像同故事……

而卡帕多奇亞的洞穴教堂同Matera的洞穴教堂好相似,因為兩者都系源自東羅馬的東正教文化系統!同拉丁天主教藝術唔同,東正教的人像藝術並不追求立體寫實,而系當中的象徵意義,所以呈現出更多的平面感,線條感,與神秘的表情……有趣的系,東正教的人像,介乎於西方的立體寫實,同東方的平面寫意之間,哈哈,真系可以從地理上理解這種漸變”~

現學現賣,似模似樣

其實Sara同我一樣,中意入鄉隨俗哈哈哈,但同我中意“食當地嘢”唔同,佢中意“做當地嘢”哈哈哈!在Zelve露天博物館,懶惰如我,冇行曬兩個鐘的山谷小路,反而搵咗一個茶檔坐低飲飲食食~

本來只系飲石榴汁的,但見到老闆娘整餅,老闆又食得有滋有味,Sara就忍唔住,我又要整哈哈哈!真系似模似樣喔,突然諗起一句歇後語阿茂整餅——冇嗰樣整嗰樣,哈哈哈哈!老闆娘好好人,Sara整的餅我哋食翻,唔使錢哈哈哈!

事實上,Zelve露天博物館系體驗卡帕多奇亞岩洞生活最好的地方,沿著山谷的蜿蜒小路,可以睇到密密麻麻的穴居遺址,時不時仲可以徒步“off road”——前面有個大叔在凸造型影相,哈哈哈,真系一道美麗風景,馬上影低!

但在午後的烈日下,連植物都系耐乾旱的模樣……當年的人到底系點樣享呢度生活的啊?太艱苦啦,而且山區晝夜溫差大,中午熱,夜晚凍……我哋現在就覺得過癮無比,但當年到底系點樣的呢?

更不可思議嘅,系地下城!Kaymakli地下城據說可以追溯到赫梯時代,可能系卡帕多奇亞最早的定居點之一……或者,因為地面太曬太熱,住在地下反而陰涼舒適?哇,裡面簡直好似迷宮一樣,四通八達,如果享呢度玩捕匿匿真系三日三夜都搵唔翻啊!不過洞穴的路好窄好矮,真系無數次撞頭啊!

而另一個Derinkuyu地下城的通道就寬敞好多,系卡帕多奇亞最深的地下城……

人的智慧真系無窮無盡,地下城裡面有只有從裡面可以打開的巨大石門,八十幾米深的通風井,仲有教堂、儲物室、酒窖、廚房……或者系因為當時的基督教徒為咗逃避迫害,所以匿入地下居住,然而暗無天日的生活,是否真的可以靠對上帝的篤信而日久彌堅呢?

同婚紗攝影師搶飯碗

夕陽西照,光線柔和,系影人像的最佳時機!果然,在Uchisar就遇到有人影婚紗相!滄桑的山石,甜蜜的戀人,簡直就系一幅真實的山無棱天地合,乃敢與君絕啊!偷拍成性的我馬上拿起相機偷拍!哈哈哈!

機智如我,就拿住作品過去同人哋的攝影師分享,哈哈哈!簡直就系我的搭訕套路啊!然後以下這張抓拍,就系我的回報啦哈哈哈!專業攝影師果然影得好!

卡帕多奇亞有好多個小鎮,每個小鎮周圍的地貌都一點唔同,而Uchisar系其中一個小鎮,因為地勢高,在Uchisar岩石城堡,可以俯瞰周圍的風景,在日落時分就顯得格外美麗!

另一個制高點系Ortahisar岩石城堡,爬上去真系好陡峭,不過上面風光無限好!

開住四個轆當ATV

自駕的樂趣就在於想去邊就去邊,一切有Google map!不知不覺就開咗入玫瑰穀,一個專門玩ATV越野的地方!原來Fiat仲可以開來滑沙哈哈哈!而且唔使好似ATV咁食曬塵~

玫瑰穀的名字可能系因為後面有一大塊紅色山岩,在日落時分特別瑰麗!

格雷梅的紅線系經典遊玩路線,可以不走回頭路咁行一圈,每個觀景點之間距離都唔遠,我哋以格雷梅露天博物館為第一站,逆時針走走停停,基本上就在差唔多日落的時候到達玫瑰穀……而在路上,總之見到有好多車的地方,停車就冇錯了,通常都會系一個觀景點~

點解石頭可以生成好似蘑菇的形狀的呢?上面的一塊,真系好似人為放上去的一樣!

又或者,好特別的形狀,哈哈哈!

Pasabag就好似一個遊樂園,在上千年的穴居遺址中,大家各種爬來爬去哈哈哈!

同樣系洞穴聚居地,相比起義大利的Matera,卡帕多奇亞更廣闊,更粗獷,而Matera就更緊湊,更精緻……Matera基本上無法開車,全部都系小路同樓梯,適合休閒徒步,而卡帕多奇亞,開車就系最好的方式,盡情享受自由~

鄉下搵食,發現一個又一個世外桃源

恃住有車,我哋跟住LP的推薦,去搵有當地特色的小館食嘢,距離?唔系問題!

在路上的意思同目的地的意思同樣重要,而且離開格雷梅,遊客越來越少,感覺越來越地道!遇到美景,仲可以隨時停車,隨便停車!

但系Google map都會出錯,導航到村裡面但就系搵唔到目的地哈哈哈!不過偶遇幾個村民在洗葡萄釀酒,仲請我哋食!哇,在烈日的口渴中,真系甜到入心啊!雖然語言不通,但友善同熱情真系撲面而來!而且大家的興趣點居然系一樣的,拿出相機同手機,影對方,啊哈哈哈哈!

路上遇到在摘野果的母子,又被請嘢食哈哈哈!

在我心目中,不是景點的地方,實在更令人流連忘返啊……呢度的鄉下人,感覺就好似桃花源的村民一樣!

不過食鄉下菜都要預訂!可能系LP推薦名聲在外,唔預訂冇得食……唯有饑腸轆轆求救於Google map,居然去咗一間隱世靚酒店,哇,又好似世外桃源一樣!

在推薦介紹下,我哋仲食咗經典的瓦罐慢燉牛肉!要用麵包塞住瓦罐口,放在爐火旁燉四個鐘!哇,真系香嫩綿軟,好好味啊!

於是,馬上有兩隻貓圍觀我哋!眼甘甘咁望住!啊,救命啊,真系頂唔順呢種眼神,貓癡表示馬上投降,自動自覺喂上食物哈哈哈!原來土耳其的貓唔食麵包、唔食蔬果,只食肉!食完一件,舔舔嘴,然後又眼甘甘咁望住!好吧,繼續喂……

鄉下的路真系車都唔多部,於是我哋開車開得越來越放肆……結果……

曠野飆車一時爽,突然撞到大卡車

卡啦卡啦,我感到大卡車在我身邊擦過,只見成個車頭蓋飛咗出去!

哎呀!右轉的時候冇睇到後面有部大卡車啊!我哋慌忙停車,落車睇下車的傷勢……唉,真系第一次撞到咁傷,可憐的Fiat……

真系在國內開車都未試過搞成咁,今次大鍋啦,而且我哋並沒有在租車的時候登記兩個車牌,一心想住應該不會遇到員警查牌吧……點知,真系被查牌啦!

當我拿計程車合同,正準備搵上面的電話,一個大叔伸手接過合同,就開始打電話,一大段一打段咁講土耳其語,然後三個土耳其大叔你一言我一語交談起來……啊,發生咩事?

“Can you speak English“No”……

……估唔到大家都有用翻譯軟體的習慣!我用手機翻譯話“我哋要打電話給員警”,大叔手機顯示“已經打給員警了,員警就來”,我話“要打電話給租車行”,大叔話“已經打了,他們會過來”……啊?正在疑惑的時候,大叔好自覺咁從我哋車尾箱,拿出警示牌,擺在車後面的路上——這個真的是只在考車筆試時遇到過的情景啊,我都就來唔記得啦……

正準備溝通清楚的時候,員警叔叔就來了!

“Can you speak English員警叔叔撒撒手,“enlittle……

於是,大家靠住一點點基礎英語,開始指手畫腳……經過一大輪交涉之後,我先發現,原來剛才幫我哋打電話的大叔,系路過的,我哋在路口撞車的時候,佢剛好開車從路口轉出來,佢純粹是來幫忙的!

然後,員警叔叔截停咗一架車,又來了一個大叔……啊,原來系來做翻譯的,終於有人識講英文啦!

“你們不用擔心,最緊要是人沒有受傷,員警會處理的了……租車公司會開一輛車過來給你們,開走壞車,大概一個小時……放鬆點,等等就可以了,讓他們處理就好了”,大叔的話令我亂得七上八下的心終於有點著落……

好快,員警叔叔搞清楚情況,做好記錄就走了,卡車也開走了,翻譯大叔留下一個陽光的笑容,也走了……

不知什麼時候,我哋部爛車被幫忙打電話的大叔開到了路邊……剛好路邊有個棚,佢就陪我哋等車行開車來……於是,我哋踎享路邊,就開始用翻譯軟體傾計……原來大叔系賣雞的,今天放假,正在回家的路上……

不知不覺,來了一部Fiat,租車公司來了!大叔又幫我哋同租車公司說明情況,終於,我哋又開上Fiat啦!

原來,撞車系咁樣嘅!我自己真系唔知點樣處理啊……但由頭到尾,我哋都在被幫助,被安慰,從打電話俾員警同車行,到現場說明情況,連最後將壞車開上拖車的,都系又一位路過的大叔……我哋自己咩都冇做過!

萬幸的是,在土耳其的車禍現場,人們不是來圍觀熱鬧的,而是來幫忙的,真系出門遇貴人,旅行在外,真的不是只靠自己的,今次真系要還神啊!感恩!

連機場都有喵喵喵!

…………哇!機場裡面有三隻貓仔啊!於是一班愛貓人士就開始起哄啦哈哈哈!最後,貓仔被春風滿面的機場工作人員拿咗入辦公室,好可能,系被收養啦~

卡帕多奇亞的機場好細,似乎只有飛伊斯坦布爾的航班,達到廳只有一個行李轉盤,出發廳只有兩個登機口……

由於走的時候系清晨出發路上幾乎冇車,中間仲行錯路,為趕飛機越開越快,不知不覺開到百五!而且Fiat平穩順滑好好開,我完全唔覺得有咁快,但路上多彎,坐在副駕的Sara幾乎要嘔了……

卡帕多奇亞確實系一個好玩的地方,有熱氣球飛上天,有地下城鑽入地,可以徒步,可以沖沙,可以領略天造地設的神奇,亦可以感歎信仰的堅忍不拔……不過,我哋確實玩大咗小小……

以前,我覺得旅行最令我感恩的地方,系遇到上天賜予的好天氣……但今次,就刷新了我心目中對旅行的理解,最該感恩的,系遇到熱情善良的人!感謝土耳其人民對我哋的關懷與幫助!

June Lam

2019-10-20@廣州